Ginconfirm ni Murcia Mayor Gerry Rojas nga nag-negatibo sa COVID-19 test ang isa ka residente sang Brgy. Sta. Rosa nga gin-PUI matapos ginsuspetsuhan nga may sintoma sang virus.
Ini ang ginconfirm ni Mayor Rojas sa interview sang DYHB apang ginkasubo man sini sa pagbalita nga nagtaliwan kaina sang aga sa ospital ang amo nga 20-anyos nga lalaki bangud sang iya daan na nga balatian.
Ginpahayag sang alkalde nga ang negative result sa test sang pasyente ang gin-release kahapon gid lamang, Mayo Uno.
Madumduman nga sang nakalab-ot sa talatapan sang alkalde nga may isa ka pasyente sa Purok Gloria sa Brgy. Sta. Rosa, gilayon niya nga ginmandu ang paglockdown sa area matapos nga ginkuha sang mga health authorities ang amo nga lalaki.
[image: image.png]
