Sa interbyu sa DXDC RMN Davao, nangayo’g pasaylo ang drayber nga si Lolito Mandalores Maglacon Jr, 52 anyos taga-Buhisan, Tibungco Davao City kay wala niini tuyoa ug giingong nagka-problema kini sa iyahang accelerator ug nibangga kini sa nag-una nga nga mga sakyanan.
Akuon matud pa niini ang responsibilidad ug atubangon ang kasong ipasang-at kaniya.
Patay ang 64 anyos nga e-bike drayber nga si Eduardo S. Zagado taga-Ipil Beach, Brgy Duterte, Agdao ning syudad.
Gibutyag ni Police Captain Kim Vianney Pomperada, Sta. Ana Police Station Deputy Commander, kasong Reckless imprudence resulting in homicide, Reckless imprudence resulting in physical injuries ug Reckless imprudence resulting to damage to properties ang ipasaka sa puj drayber.
Gawas pa sa namatay nga senior citizen, angol ang drayber sa trisikel ug mag-inahan nga pasahero ug ang drayber usab sa motor human nga napagan usab sa insidente.
Nakakustodiya karon sa Sta Ana Police ang PUJ drayber.
RadyoMaN Aimee Guinita
