Davao City – Minghoy nga nag patala sa San Pedro PNP ang usa ka PUJ driver nga si alyas Dario taga Tugbok ning syudad sa dihang gigunting matud pa ang iyang sling bag sa dihang natulog siya diha sa may dalang Quimpo Boulevard.
Sumala pa sa driver nga gikan kini sa iyang garahe sa may Bajada ug nakig inom kauban ang iyang mga higala.
Bandang alas dos sa kadlawon sa dihang niuli ang complainant ug gibati kini og katulgon hinungdan nga iyang gipadaplin ang iyang motor sa nahisgutan nga lugar ug mitagpilaw kadali.
Nabatanyan na lang ni Dario nga dunay naglihok sa iyang tiyan ug ginagunting na diay ang sling bag.
Sa dihang nakamata na ang driver daling gilabni ug gidagan sa snatcher ang iyang bag sa wala matino nga direksyon.
Anaa sa sulod sa iyang bag ang iyang usa ka adlaw nga kita nga pagmaneho ug drivers license.
Gitambagan na lang ang maong driver nga dili usa kini mo biyahe kay basin og madakpan gumikan wala kini driver’s license.
RadyoMaN Paul Canono
