Davao City – Sakit sa bulsa apan kinahanglan dawaton sa mga pasahero ang pagpatuman sa og unsa man ang naa sa fare matrix sa mga jeep dinhi sa dakbayan.
Kini ang reaksyon sa usa ka Jaycel Villacorte nga taga Toril ning dakbayan atol sa pakighinabi sa DXDC RMN Davao.
Matud niya nga dakong adjustment kini alang sa mga mananakay.
Subay kini sa mando sa Land Transportation Franchising and Regulatory Board (*LTFRB*) Land Transportation Franchising and Regulatory Board (LTFRB) nga ipatuman ang nakabutang sa fare matrix diin usa sa mga nahimong isyu ang routang Toril niadtong miaging mga semana nga misaka gikan 20 ngadto sa 25 pesos ang pasamahe apan ang naa sa taripa, 27.50 pesos.
Sumala sa LTFRB XI, og dili mutuman niini ang mga operators ug drivers, mamahimong multahan sila og 5,000 pesos alang sa undercharge ug overcharge ug laing 5,000 pesos nga multa sa mga wala magbutang og kopya sa fare matrix sa sulod sa jeep.
Busa nangayo og pagsabot karon ang nasangpit nga buhatan ingon man ang mga drivers ngadto sa mga pasahero nga sundon nalang kini og mubayad sa saktong pamasahe.
RadyoMaN Renz Barbarona
