Davao City – Igmat kaayo si Samuel Gersa sa pag-atiman sa iyang depasayruan kay aron masiguro nga anaa sa kondisyon ang iyang PUJ una magbiyahe.
Sa duha ka tuig nahimong Jeepney Operator si Gersa ni sukad wa pa gyod makatilaw og disgrasya ang iyang jeep bisan og daan na kini napalit gikan sa orihinal nga tag-iya.
Ang sekreto ni Gersa aron layo sa disgrasya ang iyang depasayruan mao ang pagkondisyon sa jeep sama sa regular nga change oil ug regular check-up sa mahinungdanong parte sama sa makina, ug break.
Kanunay gayod ginahinumdoman ni Samuel ang iyang driver nga mutuman sa speed limit sa siyudad aron mahilayo sa disgrasya ug dili makapagan og kinabuhi sa mga pasahero.
Sugyot sa operator ngadto sa mga traffic enforcers nga bantayan ang mga drivers sa PUJ ug dakpon ang mga magpaturagas og padagan sa highway aron walay kinabuhi makalas sa paghanduraw sa kamatayon ni Kristo Hesus karong semanaha.
Busa dakong uyon ni Gersa sa nationwide crackdown sa colorum nga mga depasayruan aron wala na’y disgrasya mahitabo ug daghang kinabuhi makalas sama sa nahitabo sa kauluhan dili pa lang dugay.
Pabor si Samuel nga pabug-atan ang silot batok sa mga drivers nga magpasagad og drive hilabi na sa mga malambigit sa disgrasya ug makapagan og daghang kinabuhi.
Apan supak kini nga apilon sa pagsilot ang mga operators sa PUJ sa katarungan nga anaa tanan sa mga drivers ang wisdom sa pagmaneho.
Busa kun madisgrasya man ang ilang unit tungod sa pagkamapasagaron sa driver kana wala na’y labot ang mga operators ug ang pahamtangan sa silotan ang mga drivers ug dili ang mga operators.
RadyoMaN Joel Viray
