Davao City – Mag-agad karon sa ayuda o budget sa lokal nga panggamhanan kung mahinayon ba ang pag-phase out sa mga dyip sa Catalunan ug CP Garcia nga mga ruta karong tuiga.
Gipasabot ni City Traffic and Transport Management Office chief Dionisio Abude nga ang plano nga kung mahinayon na ang High Priority Bus System wala nay mga dyip sa kadalanan.
Gibutyag ni Abude nga anaa sa 800 ka drivers ug 400 operators ang apektado sa area sa Catalunan Grande samtang 188 ka drivers ug 99 ka mga operators usab ang sa CP Garcia.
Gawas sa pinansyal nga ayuda ipailawom ang mga PUJ drivers sa mga programa diin pwedi silang makatrabao isip mekaniko o uban pang mga trabaho sa mga terminal sa pag arangkada sa HPBS.
Sumala ni Abude nga mokabat sa 24 bus ang para sa Catalunan Grande.
RadyoMaN Aimee Guinita
