Sumala ni CTTMO Assistant Traffic Operation Officer Alfredo Tamayo, plastado na ang ilang traffic plan alang sa pag-abli sa 1st Phase sa Davao Coastal Road, diin magpakatag ang ilang buhatan og mga personahe nga maoy magmando sa sitwasyon sa trapiko sa entrada sa Bago Aplaya, Talomo, Dumalag paingon na sa Times Beach, syudad sa Davao.
Segun ni Tamayo, ang mga sakyanan nga pwede makaagi sa Coastal Road mao ang mga pribadong sakyanan, taxi, truck, ug mga bisikleta, samtang did-an ang mga Public Utility Jeepney (PUJ) ug Public Utility Bus (PUB), sanglit wala pa’y rota nga gihatag ang Land Transportation Franchising and Regulatory Board (LTFRB-XI) aron muagi ang mga depasaheroan sa Coastal Road.
Kahinumduman nga wala mahinayon niadtong bulan sa Mayo ang pag-abli sa 1st phase sa Coastal Road.
Nasayran nga kung paagian na sa mga motorista ang Coastal Road, mahimong 30 minutos nalang ang biyahe gikan sa usa ka oras sa kasamtangang pagbiyahe gikan sa Toril area paingon sa downtown area.
RadyoMaN Joel Viray
