Ocho personsa ya sale irido despues del PUJ que ta munta sila yan balisacat na RT Lim Boulevard enantes aga.
El incidente ya sosede pasada alas 7 del aga.
Na report del pulis ta aparese el PUJ ta maneha si Havier Sahi, 36, de Ayala junto consu conductor si Alpasimar Digo, con seiz maga pasahero encamino estos para na weste cuando ya sosede el accidente.
Asegun de llegar na RT Lim Boulevard tiene un motor ya entra na lane del PUJ rason para desbiha si Sahi con este.
Ya hace bigwas si Sahi con el manibela para na esquierda pero el un rueda de adelante ya tupa na center island del calsada.
Aqui deste, nohay mas puede controla si Sahi con el manibela hasta ya tumba el vehiculo para na lao esquierda.
Ambos el tusper y conductor lomismo el seiz maga pasahero ya sale irido.
Con todo el maga victima ya lleva na hospital.
