Tres miembro del Delta Force Drug Group que ta incluji un pulis ya sale arestao durante el buy-bust operation ya conduci el PDEA, pulis y maga soldao na Camino Nuevo del Sabado por la noche.
Con el maga arestao ya conose como canda Efren Deles y Demalanta, alias Mangko, (cabesa del grupo, high value target), PO2 Edgar Deles y Demalanta, (high value target, miembro) y Ricky Ensilay y Villacruz, (miembro).
Canila ya aresta alas 7:30 del noche pormedio del buy-bust operation.
El maga otoridad ya confisca canila el dos paquete de shabu poco-mas-o-menos 10 gramo y el boodle money P1,000 insima del maga curtao papel grandor del cen.
Con el tres ya lleva dayun na PDEA headquarters mientras pendiente el plantada de caso na corte contra canila.
Facebook Comments
