Davao City – Sikop ang usa ka pulis ug kauban niini atol sa buy-bust operation nga gilusad sa Drug Enforcement Team sa Talomo Police sa may IƱigo St. Barrio Obrero, Brgy. 18-B, Davao City bandang alas 8:40 kagabii.
Base sa report sa Talomo PNP, giila ang mga dinakpan nga si Glenn Art Laurel Muring alias āDodongā, 40 yrs. old, nga taga Buhangin ning syudad ug giingong igsuon sa usa ka police official sa Davao City Police Office lakip ang kauban niining miyembro sa PNP nga si Police Staff Sergeant Elcelito Macarandan Colita, 35 anyos, nga nadestino sa Marilog PNP ug residente sa Sasa ning dakbayan.
Sa maong operasyon, napalitan sa poseur buyer ang mga dinakpan og mga sachet sa gituohang shabu nga adunay estimated street value nga 10,500 pesos lakip nakumpiska ang mga armas ug bala, cellphone ug motor gikan sa duha.
Gikatakdang pasakahan og kasong supak sa R.A 9165 kun Comprehensive Dangerous Drugs Act of 2002 samtang sa interbyu sa RMN Davao kang DCPO Head Police Col. Alexander Tagum posibleng mataktak sa serbisyo ang naarestong pulis ug parehong i-relieve usab sa pwesto ang High Ranking Police Officer nga igsuon sa usa sa mga dinakpan ug Chief of Police sa Marilog Police Station.
RadyoMaN Renz Barbarona
