Pulis blangko pa sa motibo kon ngaa gin-ambush si Councilor Cano Tan kag iya asawa halin sa Campuestohan

1066

BACOLOD CITY – (Update) Wala pa karon sang may natumod nga anggulo ang police sa natabo nga pag-ambush sa salakyan ni Bacolod City Councilor Ricardo Cano Tan sa area sang Purok 12-A Brgy. Alangilan, Bacolod City may mga las 5:30 kahapon sang hapon.

Suno kay Bacolod City Police Office, City Director PS/Supt. Francisco Ebreo nga padayon karon ang ila madalum nga imbestigasyon para mahibaluan ang tanan nga posible nga motibo sa pagpa-arak sang luthang sa salakyan sang amo nga konsehal.


Nahibaluan nga manugpauli na kuntani si Tan upod sang iya asawa nga si Nita, sakay sang ila nga Nissan Safari Patrol sang ginpaarakan sang luthang sang mga suspek ang ila salakyan,

Narecover sa lugar sang insidente ang masobra sa 20 nga empty shells kag slug sang calibre 45 kag M-16 sa diin tadtad naman ang bala ang wind-shield sang salakyan ni Tan.

Apang, bangud nga madasig ang pagpadalagan sang konsehal kag iya sunado ang dalan, wala ini napuruhan kag naka-angkon lang sang minor injury sa iya wala nga kamot bangod man sa buka nga salaming.

Ang iya asawa nga si Nita ang naka-angkon naman sang gasgas sa li-og kag kamot kag safe na karon ang mag-asawa.

Naglabay pa ang mag-asawa sa Police Station 5 kag ginpahibalo ang kapulisan nga ini sila ang gin-ambush antes nga nagkadto sa ospital./ Gabriel Dominique Bañaga photo of WDJ

Facebook Comments

From Advertisers