Davao City- Gihampak og bato sa lalaking giingong nag-amok ang usa ka pulis sa Sta.Ana Police Station, hinungdang nasamdan ang agtang niini nga daling gidala sa Southern Philippines Medical Center (SPMC) si Police Executive Master Sergeant Lemuel Cabalona aron matambalan.
Giingong unang nanuok og bata, hamtong, ug namuak og salamin sa sakyanan, ang suspek nga giilang si Restituto Biernes, residente sa Purok 3-B, Isla Verde, Barangay 23-C, Davao City.
Tungod niini, miresponde ang Barangay tanod nga si Abdullah Samudin nga miresulta sa ginukdanay subay sa Coastal Road abot sa Mission Hospital ug dayon gibato sa suspek ang tanod igo sa iyang agtang, bandang alas 8:00 sa buntag kagahapon adlawa.
Gilayon nadakpan sa mga pulis ang suspek human misakay og PUJ nga wala makaikyas tungod kay na-traffic. Kasong direct assault ug physical injury ang ipasaka sa piskalya karong adlawa batok sa suspetsado.
RadyoMaN Joel Viray
Facebook Comments
