Davao City – Gibastos sa grupo sa mga kalalakin-an nga nag-inom sa highway sa Panacan ang usa ka police woman nga misita kanila alas-10:00 sa kagabhion.
Ang pulis mao si PO1 Shiela Mae Medel ug matod pa mibadlong kanila tungod kay nag-inom sila daplin sa kalsada duol sa 7/11 store sa mao nga lugar kagabii.
Nanghulga pa ang mga suspek nga ipalabay sa Marilog area si P01 Medel gumikan sa iyang pagsita kanila.
Nasayran nga nagpahigayon og footpatrol sa lugar ang police woman uban sa duha ka volunteer police auxiliary dihang ilang nakita ang Hi-Ace nga plaka nga LHK-721 nga nagparking daplin sa kalsada.
Gibadlong matud ni PO1 Medel ang grupo sa kalalakin-an nga hugot gidili sa ordinansa ang pag-inom daplin sa kalsada apan imbes nga mupatuo giinsulto naman hinoon nila ang maong pulis.
Gi-harass sa kalalakinhan ang maong pulis diin asa hilom gi-record sa kauban sa complainant nga pulis ang insidente.
Nahunong lang og pangbully dihang miabot ang mobile #91 nga gipangunahan ni PO1 Macuto dungan sa pagsibat sa mga suspek palayo sa nasangpit nga lugar.
Nasayran nga usa sa mga suspek hingpit na nailhan sa Sasa Pnp nga mao si Danny Maratas ug posibli pasakaan kini og reklamo sa biktima nga pulis.
RadyoMaN Joel Viray
