[UPDATE] – Dead on arrival sa ospital si Ivan alias Inok, residente sang Igbaras matapos ginluthang sang pulis sa Barangay Tiringanan, Janiuay, Iloilo.
Suno sa imbestigasyon sang Janiuay PNP, nagpangayaw agud manggarab si Ivan sa Janiuay kag matapos ang trabaho, nag-inom-inom sila takna alas 6:30 Dominggo sang gab-i.
Upod man nga nag-inom ang biktima kag ang suspek nga si PO2 Abner Catin.
Bangod sa impluwensya sang makahulubog nga ilimnon, ginsaway ni PO2 Catin si Ivan apang indi ini magpasupil.
Suno sa impormasyon, ginkagat pa ni Ivan ang middle finger ni PO2 Catin kag hana nga magbunot sang kutsilyo agud bun-on ang pulis gani wala na makapugong si Catin kag naluthang si Ivan gamit ang iya armas bilang depensa sa iya kaugalingon.
Matapos ang insidente, nagsurrender man sa Janiuay PNP si PO2 Catin.
