TACLOBAN CITY – Ginpamumusil patay an usa nga pulis ha Brgy. Salvacion, Palo, Leyte, alas 2:50 han kaagahon kakulop.
Basi ha report han Police Regional Office 8, ginkilala an pulis nga biktima nga hi SPO2. Andres Vijuan Gonzaga, 43 anyos, presente nga naka-assign ha Regional Headquarters Support Group han PRO-8 ngan residente ha Brgy. Looc, Caibiran, Biliran.
Ha inisyal nga imbistigasyon han Palo PNP, tisakay na unta an biktima ha iya kalugaringon nga sarakyan han tigda dumaop an mga unidentified suspects ngan ginpamumusil ini ha magkadurudilain nga parte han iya lawas.
Sumala han Palo PNP, sakay an mga suspek ha busag nga sedan ngan dark color pick-up vehicle ngan waray mahikit-i an plate number han mga ini. Kumalagiw an mga suspek ha direksyon tipakadto ha Brgy. Cogon, Palo, Leyte.
Padayon an gindudumara nga imbistigasyon han mga kapulisan hini nga krimen.
