TACLOBAN CITY – Ginpamumusil patay an usa nga pulis han mga gin-aaligar myembro han New People’s Army ha Quinapondan, Eastern Samar dida han Sabado, May 18.
Subay ha report han Police Regional Office 8, ginkilala an pulis nga ginpatay nga hi Patrolman Michael Felipe Ribo, usa nga intel han Police Mobile Force Company han PNP-Eastern Samar.
Ginpatay han tulo nga myembro han NPA hi Ribo ha Barangay Cambella ha nasabi nga bungto mga alas 2:00 han kulop.
Nagawas ha imbistigasyon nga makuha unta hin impormasyon hi Ribo han nahinabo nga shooting incident ha Brgy. Bagte han quinapondan pero ginpugngan hiya han mga suspek ngan ginpamumusil.
Waray pa marekober an patay nga lawas han pulis tungod nga mayada impormasyon nga may mga NPA members pa ha nasabi nga area nga andam magdumara hin ambush kontra ha mga otoridad.
