Davao City – Gipusil-patay ang usa ka pulis alas 7:30 kagabii nahitabo sa Prk. Trabahador Menzi, Brgy. Dahican, Mati City.
Sa record sa Police Regional Office 11 (PRO-XI), ang biktima giila nga si PO3 Walter Canja, miyembro sa Philippine National Police (PNP) kinsa kasamtangang na-aassign sa 2nd Provincial Mobile Force Company (PMFC) ilawon sa Davao Occidental Provincial Police Office (DOPPO), Mati City.
Sa inisyal nga imbestigasyon, nagsakay si Canja sa iyang motorsiklo gikan sa Poblacion Public Market diin kalit nga mi-overtake ang laing motorsiklo sakay ang wala mailhing suspetsado dayon pusil sa pipila ka higayon nga miresulta sa hinanaling kamatayon niini.
Human sa insidente daling misibat ang wala pa mailhing suspetsado sa wala matino nga lugar samtang kapulisan naglusad og follow up investigation alang sa pag-ila niini ug motibo sa pagpusil-patay sa maong pulis.
RadyoMaN Jason Amisola
