Patay nang nadangat sa tambalanan ang pulis nga si PO2 Lord Cañada sa Lower Calajoan Lungsod sa Minglanilla .
Si Cañada nagpaayo sa iyang awto sa usa ka shop daplin ra sa karsada sa maong lugar dihang gipusil kini sa mga suspek nga nagsakay ug awto nga gihulagway nga blue ang kolor .
Ang biktima molopyo sa Tulay Minglanilla ug kanhi nadestino usab sa kapolisan sa lungsod .
Matud sa nakakita , ginaug sa suspek nga dunay dala nga taas nga kalibri sa armas dayon gipaarakan ang biktima .
Natapsingan usab ang kauban ni Cañada nga iyang bayaw ug nailhan nga si Ken Echavez, 36 anyos .
Padayong nag-imbistigar karon ang kapolisan sa posibling motibo sa pagpatay sa biktima
Facebook Comments
