Pulis irido na accidente vehicular

15

Irido el un pulis despues conele ya puede hace bangga el un PUV na Veterans Avenue enantes aga.
Con el victima ya conose como si Patrolman Jude Tubaña Fernandez, 28, soltero, assigned na Zamboanga City Mobile Force Company y residente de Sitio Mialim, Vitali.
Asegun na report alas 7 del aga ta maneha si Tubaña consu motor na direccion na este parte del ciudad y cuando ya llega le serca na un tienda del motor na Veterans Avenue yah ace conele bangga el un PUV ta maneha si Aliuddin Sahirin, quien estaba na este y ta apunta para na pueblo.
Na investigacion del pulis ta aparese yan overtake si Sahirin con otro vehiculo y ya come este el lane di Tubaña donde ya resulta na accidente.
Ya bula lehos si Tubaña desde na su motor por el puersa del bangga mientras su motro yan tupa tambien na un PUJ ta maneha si Edwin Rebollos.
El victima ya sostene maga irida na su cuerpo y ya lleva conele na hospital mientras el tres vehiculo yan impound na estacion del pulis.

Facebook Comments

From Advertisers