i Balita
December 21, 2019
(Photo from web)
PULIS KAG REBELDE NGA NPA NAG-ENGKWENTROHANAY SA BRGY. BOLOC, TUBUNGAN, ILOILO KAINA SANG AGA
Duha ka separado nga engkwentro ang nagluntad sa Brgy. Boloc, Tubungan, Iloilo, ginabulobanta mga takna alas 9:15 kaina sang aga sa tunga sang mga kapulisan kag mga kumonistang rebelde nga New Poeples Army
Ang engkwentro ang nagluntad sa tunga sang wala mahibaluan nga kadamoun sang mga rebelde, batok sa joint operating members of 1st Iloilo Public Mobile Force Company kag 601ST Company, Regional Mobile Force Battalion 6 nga ginapangunahan ni Pol. Major Abner T. Jordan.
Suno sa kay Pol Lt. Arnel Samson sang Tubungan Municipal Police Station, wala sang may napilasan sa mga kapulisan.
Una nga naka-engkwentro ang grupo ni Pol. Major Jordan samtang kasunod sini nagluntad naman sa pihak nga banglid nagluntad naman ang engkwentro sa grupo ni Pol. Col. Malong ang Iloilo Provincial Mobile Force Company.
Nagapadayun pa tubtob subong ang clearing operation sa lugar kon sa diin nagpalagyu ang mga rebelled.
Suno pa kay Pol. Lt. Samson madugay na nga may sitings sang mga rebelde ang Brgy. Boloc sa banwa sang Tubungan, Iloilo.
Ang Boloc ang isa sa mga upland barangay sa Tubungan nga nahamtang mga 20 kilometros ang distansiya halin sa poblacion kag isa ka boundary barangay sa banwa sang Leon kag Tubungan, Iloilo.
