Un pulis y un mojer irido despues ya man banggaan diila cada-y-cual motorciclo na Magay Road, barrio de Zone 1 del Domingo aga.
El maga sale irido amo canda SPO1 Adam Asaral y si Jennifer Sadjari.
Canila dos ya lleva na hospital para el curada medical. Ambos maga victima librao na peligro.
Na report del Central Police Station ta aparese si Asaral ta biaja desde weste parte del ciudad para na este cuando accidentalmente ya man biguas el manibela del motorciclo y ya entra na otro lao parte del calsada y ya man bangga con Sadjari quien ta biaja na otro direccion.
Todo sila dos ya sostene irida na cuerpo como resulta del accidente.
Mientras ambos diila dos motorciclo ya tene que lleva na estacion de policia.
Facebook Comments
