Patay ang isa ka pulis matapos makabunggo ang ginasakyan sini nga motorsiklo sa isa man ka motorsiklo sa probinsya sang Antique kahapon sang udto.
Ginkilala ang biktima nga si PO1 Jonathan Manzano, 30 anyos kag pumuluyo sang barangay Balabag, Pavia, Iloilo.
ginapahayag nga sakay sa motorsiklo si manzano halin sa siyudad sang Iloilo padulong sa Egana, Sibalum Antique apang pag-abot sa bahin sang baangay Calacja 1, Hamtic Antique, nabungguan sini ang kasugata nga motorsilo nga ginamaneho ni Juarry Tadeo, 24 anyos sang vVllavert Jimenez, Hamtic Antique.
Pareho nga natumba sa sementado nga dalan ang duha ka motorsiklo kon sa diin pilason si PO1 Manzano kag subong man si Tadeo lakip na ang duha ka bata nga angkas sini nga nagaedad apat kag 12 ka tuig.
Gilayon nga ginpangdala ang mga biktima sa Angel Salazar Memorial District hospital sa San Jose, Antique apang gindeklarar nga dead on arrival si PO1 manzano.
