Davao City – Dead on arrival ang usa ka pulis human nagbangga ang gisakyang motorsiklo ug gikasugat sa truck nga nahitabo sa Barangay Tamugan, Marilog District ning syudad karong buntag, October 14, 2019.
Sa report sa Marilog PNP, giila ang namatay nga si Police Lt. Aliper Dela Camara Mendoza, 41 anyos, pulis nga nadestino sa Region 10 ug taga Purok Apitong, Maranding, Lala, Lanao Del Norte samtang ang driver sa truck giila nga si Julito Hepgano Ancajas, 55 anyos, ug residente sa Riverside Bankerohan ning dakbayan.
Sa inisyal nga imbestigasyon, naglawig sa may Davao-Bukidnon National Highway sa managlahing direksyon ang duha ka mga sakyanan sa dihang pag abot sa paliko nga bahin, nagbangga matud pa ang duha ug sa kakusog sa impact, nakahiagom og daghang samad ang pulis ug gidala sa balay tambalanan apan wa na kini masalbar pa sa mga doktor.
Nasayran nga pabalik sa schooling ang biktima sa Regional Training Center XI niadtong tungora.
Samtang ang driver sa truck gikustodiya na ug gikatakdang pasakahan og kaso.
RadyoMaN Renz Barbarona
