Pulis nadisgrasya sa motor sang gulpi nagpreno ang ginasundan nga pick-up

MURCIA – Pulis pilason matapos matumba ang iya nga ginamaneho nga motor sa banwa sg Murcia.

Natabo ang insedente las onse y medya kaina sang aga sa provincial highway sa barangay Blumentritt sang aksidente nga nagslide kag natumba ang iya motor.

Nakilala ang biktima kay Patrolman Arsenio De la Cruz, 25 anyos kag pumoluyo sang purok Kitahanon, Barangay Banago, Bacolod City sa diin ang pulis ang assigned sa La Castellana Police Station.


Bangud sa hinali nga pagpreno sang driver sang pick up nga ginasundan, ini ang naglikaw.

Disgrasya nga nag slide sa concreto nga dalan ang motorsiklo sa diin ang biktima ang nag-angkon sang madamo nga pilas kag gasgas sa iya nga kalawasan.

Damaged naman ang iya motorsiklo samtang ang biktima ang gindala sg rescue team sa Municipal Health Clinic sa banwa para sa nagakaigo nga pagbulong.

Facebook Comments