Davao City – Wala pa’y klaro kun pa-imbestigahan sa hepe sa Toril Pnp ang nahitabong aksidente pag-buto sa .45 nga pistola ni PO3 Rosebelt Angkon kinsa kritikal ang kahimtang sud sa Malta Hospital sa Toril kagabii.
Suma sa pulis nga sakop sa Toril PNP kinsa dili na magpaila ug nahinabi sa RMN Davao news team nga wala pa’y gipagula nga pinal nga desisyon si Police Chief Inspector Veron de Guzman kung paimbestigahan ba niini ang accidental firing nga nahitabo sud sa presinto pasado 11:00 kagabii.
Apan base sa inisyal nga imbestigasyon nga off duty na niadtong tungora si Angkon busa nag-ilis na kini og pangsibilyan aron mupauli dihang kalit nibuto ang pistola ug naigo kini sa nawong.
Si PO1 Jeffrey Saligumba kinsa nakabati sa boto sa pistola daling misusi sa lawak kung asa nag-ilis si Angkon apan nagbuy-od na sa semento ug naligo na sa kaugalingon dugo ang mao nga pulis.
Paspas gidala sa Malta Hospital Toril ang biktima ug anaa pa kini sa kuyaw nga kahimtang ug nakekober sud sa lawak ang usa ka empty shell sa bala sa punto 45.
RadyoMaN Joel Viray
