Pulis nga Akeanon nga bumugbog sa sibilyan ging padaea sa Marawi City

260

Ni Jay-ar M. Arante, RMN-DYKR Kalibo
Sa Marawi City tumugpa ro pulis nga nagpang-bugbog sa daywang ka sibilyan sa Mandaluyong City matapos nga ipadaea ni PNP Gen. Bato Dela Rosa.
Ro pulis nga viral makaron sa social media hay nakilaea nga si PO1 Jose Jolious Iguiron Tandog dahil sa ana nga ging himong police brutality.
Ging bakoe ni PO1 Iguiron ag kaibahan nana nga sambilog nga pulis sanday Marvin Calda ag Macmac Villanueva sa sueod mismo it Brgy Hall it San Jose Mandaluyong City.
Ro mga nasambit nga sibilyan hay ging dakop it daywang ka pulis bangod sa gina hambae nga may mga ging eapas raya nga laye sa andang lugar.
Ro video hay habue-an mismo ni Marvin samtang naga kanabo ro pagpang-bugbog nga kung sa siin umabot eon ra makaron it linibo nga views ag share nga nag-angkon it naga kasari-sari nga batikos halin sa mga nakakitang netizens.
Si Tandog hay nag-eskwela sa Buruanga Vocational School ag JAVTES sa Kalibo samtang nagtapos imaw it BS Criminology sa Pamantasan ng Lungsod it Muntinlupa.
image by:pinoytrendingaltervista.org

Facebook Comments