Davao City – Dakong kalipay ang gibati sa usa ka pulis nga gidagit niadtong miaging tuig human nga gibuhian sa New People’s Army kun NPA karong adlawa, Hulyo 27, 2018.
Nalipay ug mapasalamaton si Police Inspector Menardo Cui, Deputy Chief sa President Roxas Municipal Police Station human hingpit na siyang gibuhian kaganina sa boundary sa Magpet, North Cotabato ug Marilog District ning syudad gikan sa mga kamot sa sakop sa Guerilla Front 53 sa NPA.
Subay niini, mapasalamaton si Special Assistant to the President Bong Go sa pagbuhi kang Cui diin siya mismo ang misundo niini sa nasangpit nga lugar ug giturn-over ang pulis ngadto sa iyang pamilya sa Police Regional Office kun PRO XI.
Kahinumduman nga gidagit ang maong pulis niadtong Disyembre 27, 2017.
Sa karon, gikatakdang ipailawum sa debriefing ug medical examination ang gibuhiang pulis ayha makauban ang pamilya ug makabalik sa trabaho.
RadyoMaN Renz Barbarona
