Pulis nga ginreklamo sa Napolcom bangud sa pagpa-BJ sa isa ka babaye, ginpadal-an na sang formal charge matapos makitaan sang probable cause sang ahensya

Ginpadal-an na sang formal charge sang National Police Commission ukon Napolcom 6 si PO1 Mark Ken Canillo.
Ini may kaangtanan sa reklamo sang isa ka babaye batuk sa nasambit nga pulis nga gin-alegar nga iya ginpa-blow job.
Ginpahayag ni Napolcom Investigator Allen Camiring nga nakitaan nila sang probable cause ang reklamo matapos ginhiwat ang pre-charge investigation.
Angut sini, ginahatagan sang ahensya sang pito ka adlaw si Canillo agud sabton ang reklamo antis ini ipaidalum sa summary hearing proceedings.
Kaso administratibo nga grave misconduct ang paga-atubangon ni Po1 Canillo nga kon mapamatud-an nga nakasala, mahimo ini nga madismiss sa serbisyo. (sspunay)