Ilegal nga drugas , sugal ug personal nga motibo ang gisubay sa kapolisan sa dakbayan sa Talisay labot sa pagbanhig ug pagpatay sa usa ka polis sa Barangay Pooc nga si PO3 Micahel Cortes , diin laing tulo usab ang nakalas.
Si Cortes gitumbok nga usa ka level 2 drug personality , subay sa gihimo nga background investigation sa nahitabo nga pagpatay niini sa niaging semana .
Ang ngan ni Cortes giingong kanunay usab nga manganlan sa mga madakpan sa anti-drug operations sa Talisay City Police Station .
Gani nasayran usab sa gihimong imbistigasyon nga si Cortes nagbaton ug daku nga manukan nga panabong ug kini tigpanugal sa dagkung buwangan ug dinagku usab ang pinustahan .
Ang kapolisan sa lalawigan sa Sugbu nag-umol ug special investigation task group aron mototok sa pagpatay ni Cortes .
