TACLOBAN CITY – Arestado han Criminal Investigation and Detection Group (CIDG) ngan Philippine National Police (PNP) an usa nga pulis nga may upod nga minor de edad ha sakob han usa nga hotel ha Southern Leyte dida han Sabado, February 2, 2019.
Ha report han CIDG, ginkilala an suspek nga hi PO3 Ramil Bilbao Aragon, 31 anyos, naka-assign ha Southern Leyte Police Provincial Office.
Sumala han mga officers han CIDG, nagreklamo an nanay han babayi nga minor de edad ha mga otoridad tungod nga naghulga an pulis nga suspek ngadto ha biktima gamit an messenger account nga may logo han CIDG.
Nagdemand pa an suspek nga magkamayada hira “carnal knowledge” han biktima para diri niya igpost ha facebook an malaw-ay hini nga mga litrato.
Naaresto han CIDG an suspek ha usa mga Pension Motel ha Barangay Tampoong, Sogod, Southern Leyte alas 4:00 han kulop.
Narekober tikang ha nasabi nga operasyon an Oppo cellphone, duha nga sim cards, USB flash drive, Robust food supplement tablet, tulo nga lubricated condoms, 9-mm service pistol, tulo nga magazines ngan 39 nga live rounds han mga bala, PNP ID, ngan iba pa nga personal IDs.
