Davao City – Gipaimbestigahan sa Davao City Police Office kun DCPO ang usa ka miresponde nga pulis nga nakapatay og magsuon sa Calinan ning syudad sa Davao sa natigayong riot kaniadtong miaging adlaw sa nasangpit nga lugar.
Sa AFP-PNP Press conference kagahapong adlawa, gisulti ni Police Senior Supt. Alexander Tagum nga ipailawum ang pulis sa Calinan nga nakapatay giilang si PO1 Mark Anthony Corsino sa forensic investigation sa PNP crime laboratory aron matino og wala bay foul play sa natigayong insidente.
Dugang ni Tagum, gimandoan niini ang station commander sa Calinan PNP nga si Police Chief Insp. Michael Uyanguren nga magpahigayon og inquest proceeding sa crime scene.
Matud sa hepe sa DCPO, anaa sa pamilya sa mga napatay nga magsuon kung magpasaka sila og kaso batok sa maong pulis.
Kahinumduman nga napatay ang magsuong Jovany Mante ug Jomar Mante human napusil sa maong pulis nga miresponde apan una ng giingon sa hepe sa Calinan nga igo lang gibuhat sa pulis iyang trabaho ug midepensa tungod sa gihimong pag atake ug pagpangulata sa mga suspek.
RadyoMan Renz Barbarona
