CEBU, Philippines – Patay ang isa ka pulis matapos gintiro kaina sang aga sa Barangay Media Onse, Toledo City, Cebu.
Ginkilala ang biktima sa kay Police Master Sergeant Junard Cinco, 39-anyos kag yara sa idalum sang Provincial Drug Enforcement Unit sang Cebu Provincial Police Office.
Suno kay Police Brigadier General Debold Sinas, ang mga suspek ang tinawo sang napatay nga drug lord nga si Steve Go. Nahibalu-an nga lakip ang biktima sa mga nagserbe sang warrant of arrest kagab-i batuk sa ginapatihan right-hand ni Go nga si Gerly Luwage sa Barangay San Nicolas, Cebu City.
Nagresulta sa shootout ang nasambit nga operasyon nga ginkapatay sang subject nga si Luwage kag upod sini nga si Junel Lasam. Dugang pa ni Sinas, pagkatapos sang operasyon nakabaton sang pagpamahog ang operating team gikan sa ginapatihan grupo ni Go nga magabalos ini sa ginhimo kay Luwage.
Nagpadala naman sang tracker team si Sinas sa Toledo Police matapos ma-identify ang mga suspek. /IFM NEWSROOM/RCSG
