Davao City – Temporaryong gikustodiya sa Buhangin PNP ang pulis nga nakapusil-patay kang Junie Luceno, 41-anyos, taga-Ormoc, ug nagpuyo sa Panacan ning siyudad pasado alas-8:00 Enero 8 sa buntag.
Apan ang pagdetinir kang Police Officer 1 Reynald Valdez, sakop sa Traffic Group sa Davao City Police, dili tungod pasakaan kini og kaso inay alang lamang sa dugang disposition nga gisubay sa mga otoridad sa Buhangin.
Si PO1 Valdez maoy nakatayming sa pagnaog sa Golden Valley bus sa suspek sa may underpass sa Buhangin area Martes sa buntag.
Samtang nagpatrolya si Valdez, usa sa mga concern nagpahibalo kaniya nga nanunggab si Luceno sulodd sa bus nga gikaangol sa usa ka Joel Salazar kinsa daling gidala sa ospital.
Buot matud pa dakpon sa maong pulis ang napatay nga suspek apan gi-atake naman hinoon kini maong napugos kini og pusil ngadto kang Luceno.
Gisuwayan pa og uwang ang suspek sa igsoon niini nga si Winnie Luceno apan wala nagpatuo si Junie bisan og giwaking na kini.
Migulaa sa pasiunang imbestigasyon nga nagkabikil matud pa si Junie ug si Joel Salazar sulodd sa bus nga misangko sa pagpanunngab sa suspek ngadto sa kaubang pasahero.
RadyoMaN Joel Viray
