Pulis nga nakuhaan ug illegal nga druga, pasakahan na ug kasong kriminal ug administratibo

50

Ipasaka na ugmang adlaw ang kasong kriminal ug administratibo batok sa usa ka pulis nga nadakpan human nakipag-transaksyon sa illegal nga droga.

Mahinumduman nga nasapon sa akto ang usa ka police nga nakig-transaksyon ug illegal nga druga sulod sa Purok-19, Poblacioin, Valencia City, Bukidnon, niadtong Sabado (Enero 11, 2020) sa kadlawon.


Naila ang nadakpang pulis nga si Patrolman Michael John Ondap, 33 anyos, lumulupyo sa Barangay Kisanday, Maramag ug nadestino sa Manolo Fortich Munisipal Police Station.

Nasayran nga nagsilbing warrant server ug tracker team member si Ondap sa Manolo Fortich PNP.

Nakasulod kini sa PNP niadtong 2017 ug nahuman ug training sa 2018.

Apil usab sa nasikop ang higala sa suspek nga si Glenn Vincent Valendez, taga- Purok-1, Kiharong, Maramag.

Nakuha sa posisyon sa mga suspek ang duha ka pakete sa shabu nga adunay gidaghanon nga 1.5 gramos nga adunay street value nga P15-mil pesos.

Nakumpiska usab sa mga operatiba sa Valencia CPS ang 9mm pistol ug 15 ka bala gikan sa pulis-pusher, lakip na ang motorsiklo.

Sa interview sa RMN Malaybalay ngadto kang Police LTCOL. Silvestre Asiong Jr., ang spokesperson sa PNP Provincial Command gibutyag niini nga gi-andam na ang kasong ipasaka batok sa maong mga suspek ugmang adlaw tungod kay natunong nga holiday karong adlawa (Lunes) sa Valencia City.

Facebook Comments