Davao City – Mag atubang og kasong grave threat ug discharged firearm ang usa ka pulis human matud pa nagpabuto sa iyang armas ug gitionan ang usa ka construction worker.
Ang pulis naila nga si Police Staff Sergeant Paquito Diaz, 49 anyos naka assign sa foot patrol section sa Davao City Police Office samtang ang complainant mao si Angelito Vicenti, 19 anyos nga taga Brgy. Libi, Malapatan, Sarangani Province.
Subay sa report gikan sa Sta Ana PNP samtang si Diaz nag inom didto sa bunkhouse sa may Rustico, Cabaguio St.,Corner Veloso St., Brgy. Paciano Bangoy diin nahitabo ang pagpanion ngadto sa complainant ug gipabuthan pa niadtong tungora.
Daling nangayog pakitabang ang biktima ug nasikop ang pulis diin narekober kaniya usa ka .45 caliber pistol.
Si Diaz balhug na karon sa Sta Ana PNP samtang gihikay na sa kapolisan ang kaso aron mapasaka ngadto sa korte.
RadyoMan Don Pulayao
