Sa interview sa DXDC RMN Davao kang Police Staff Sergeant Virgilio Buhat Jr., imbestigador sa Tagum City Police Station, giila niini ang suspek nga si Patrolman Raph Ampo Doria, ulitawo, residente sa Purok 24, Poblacion, Bayugan City, Agusan del Sur.
Sa inisyal nga imbestigasyon, nagpailang customer ang pulis sulod sa GNG Passion Store sa Lapu-Lapu Street, Magugpo, Poblacion, Tagum City, dayon nang-holdup diin nasayrang mismong issued firearm sa Philippine National Police (PNP) ang gamit niini sa pagpanulis.
Nahimo matud pa sa pulis ang krimen tungod sa kawad-on. Apan, nasayrang daghan kini og kaso nga kalabot sa pagangutang, ug kini giingong nalambigit sa online sabong.
“Based sa amoang investigation, na-found out namo nga daghan sya’g mga utang. Gani, naa syay mga kaso nga ginaatubang sa barangay mahitungod pud sa utang,” sulti sa imbestigador.
Nasayran usab nga giadto sa pulis ang iyang uyab sa Tagum City, diin duha na ka tuig kini nga nagabalik-balik sa dakbayan.
RadyoMaN Kirby Manzon
