Sa kahadlok nga siya paakon , gipusil sa usa ka pulis sa lungsod sa Santander ang iro sa ilang silingan ug namatay.
Ang pulis nga nipusil sa iro mao si PO2 Richard Cavalida, nga molopyo ra usab sa Barangay Talisay sa maong lungsod .
Ang tag-iya sa iro nga si Jenelyn Rusiana ,nibutyag nga hiniktan gyud ang ilang iro apang niadtong higayona kini nakabuhi .
Sa dihang nasugatan kini sa pulis nga si Cavalida , gipaghot siya niini ug sa kabalaka nga paakon sa iro nibunot kini sa iyang armas ug gipusil .
Niadtong Pebrero 16, Sabado nahitabo ang pagpamusil apan pagka-Dominggo na sa hapon nakit-an ang iro nga wa nay kinabuhi .
Matud ni Cebu Provincial Police Office Chief, Senior Supt. Manuel Abrugena nagkahusay ra ang pulis ug tag-iya sa iro human sa hitabo .
Apan bisan pa man niini ,nimando si Abrugena nga imbistigaron ang maong hitabo aron pagsuta kung wa bay lapso nga nahimo ang polis .
