Sa interbyu sa DXDC kang Police Major Catherine Dela Rey, Police Regional Office 11 Spoksperson, giingong naglimpyo ang biktimang si Patrolman Jhaniel Salip-Pepito sa issued firearm niini nga Canik 9mm pistol dihang naunay kini ug nakahigaom og samad pinusilan sa iyahang nawong.
Matud ni Dela Rey sa gihimong imbestigasyon, posibleng wala na-double check sa biktima nga naa pay bala ang chamber sa baril niini.
Gipahimangnuan ang tanang pulis human sa insidente nga aron malikayan ang accidental discharged of firearms pirming isaulo nga trigger finger out kung maglimpyo sa armas.
Gibutyag ni Dela Rey nga lima ka tuig na kini sa serbisyo ug sakop sa 2nd Davao del Sur Police Mobile Force Company (DSPMFC).
Samtang, wala usab gipadaplin ang anggulong suicide ug lakip kini sa imbestigasyon sa PNP.
RadyoMaN Aimee Guinita
