Muntinlupa City – Dead-on-the-spot ang isang pulis matapos pagbabarilin habang sakay ng kanyang SUV sa southbound lane ng national road, Brgy. Poblacion, Muntinlupa City.
Kinilala ang biktimang si Police Chief Insp. Ernesto Eco, 49 taong gulang, at residente ng Brgy. Putatan, Muntinlupa.
Sa inisyal na imbestigasyon ng awtoridad, kalalabas lamang umano sa subdivision ng biktima sakay ng minamanehong puting SUV ng pagbabarilin ito ng mga naka-motor na suspek.
Agad na namatay ang biktima dahil sa tinamong mga tama ng bala sa ulo at katawan.
Narecover sa crime scene ang anim na basyo ng bala ng hindi pa malamang kalibre ng baril.
Sa ngayon ay patuloy pang iniimbestigahan ng mga pulis para malaman ang motibo sa likod ng pamamaril.
Facebook Comments
