Napatay ang usa ka polis sa lungsod sa Minglanilla atol sa buy-bust operation batok sa usa ka high value target sa Sitio Bacay , Barangay Tulay sa maong lungsod .
Si PO2 Evie Espina , 30 anyos sakop sa Drug Enforcement Unit sa kapolisan sa Minglanilla nga nihimo ug buy-bust operation batok sa target nga si Juvy Pransa.
Si Espina maoy poseur-buyer sa anti-drug operation ug dihang natiktikan sa suspek nga usa siya ka pulis gipusil siya niini ug naigo sa iyang ulo hinungdan sa kamatayon niini .
Ang mga kauban ni Espina nga mga operatiba mao nay nibawos ug pusil ni Pransa nga napatay usab sa operasyon .
Lakip sa nakuha gikan ni Pransa mao ang usa ka pistola nga isyu sa Philippine National police ug drugas nga mobalor ug dul-an sa P500,000.
Ang live-in partner sa suspek nga si Evangeline “Eva” Parajes Briones nakaiskapo hinoon atol sa operasyon , apan nasakmit ang armas niini ug mga bala .
Susihon sa kapolisan kung nganong napunta ngadto ni Pransa ang armas nga isyu sa PNP.
