Gikumpirma sa pipila ka higala ang pagkamatay sa biktimang si Patrolman Joel Cabungcal, nagpuyo sa Carmen, human kini nakaangkon og grabeng impact atol sa aksidente.
Sa interview sa DXDC RMN Davao kang PSSg. Cesar Mende II, imbestigador sa Panabo City PNP, iyang gibutyag nga usa ka Maritime PNP member nga na-assign sa Samal si Cabungcal. Samtang giila niini ang driver sa laing motor nga si Joseph Reponte, 34 anyos ug angkas niini ang iyang half-brother nga 17 anyos nga lalaki, pulos taga Barangay Nanyo, Panabo.
Sasay sa imbestigador nga gikan Carmen padulong Panabo ang pulis sakay sa iyang motor (Sniper 150), samtang padulong Carmen ang usa pa ka motor (Rusi 125) nga adunay angkas. Pag-abot sa intersection didto na nagbangga ang mga sakyanan diin naigo sa kilid ang Rusi samtang grabe ang impact sa atubangan sa motor sa pulis.
“Actually, nakita gyud nako, wala gyoy indication nga naay skid mark nga ni-apply pa’g brake. I believe, gi-ignore nila ang intersection. Diretso-diretso lang sila ba. Wala nag-(slow down) sa intersection. Nag-abot gyud sila,” saysay sa imbestigador.
Padayon nga panawagan sa otoridad sa mga motorista nga kanunay nga mag-amping sa pagbiyahe ug pag-menor sa intersection or road junction aron malikayan ang susamang insidente.
RadyoMaN Kirby Manzon
