Tacloban City – Patay ang isang pulis matapos pagbabarilin sa Barangay Bagacay, Tacloban City.
Papauwi na noon ang biktimang si PO2 Laurence Tabungar sakay ng kaniyang van nang pagbabarilin ng mga suspek na lulan naman ng pulang pick-up truck sa tapat ng Eastern Visayas Regional Medical Center.
Dahil dito, bumangga ang van ni Laurence sa mga tindahan sa gilid ng daan dahilan para masugatan ang isang motorcycle rider at isang babae.
Ayon sa kapatid ng biktima na si Peter Tabungar, wala namang kaaway ang kapatid kaya posibleng may kinalaman sa trabaho ang motibo sa pagpatay rito.
Inaalam na ng mga awtoridad ang pagkakakilanlan ng mga suspek maging ang motibo ng mga ito sa pamamaslang sa biktima.
Facebook Comments
