Pulis, patay, samtang samaran ang kauban niini sa encounter sa CdeO

387
PC: RadyoMaN Joanna Ricote

Gipangita pa karon sa mga otoridad ang duha ka tawo nga maoy kauban sa usa ka Maranao sa nahitabong pagpamusil kagahapon sa mga otoridad sa Highway Patrol Group o HPG Region 10.

 

Matud ni Police Insp. Tawide Galleon ang imbestigador sa Carmen Police Station nga mga alas 3 sa hapon kagahapon sa dihang naa sa Hall of Justice sila SPO1 Sergs de Constantine Maceren ug SPO2 Lindy Baltazar alang sa inquest proceeding namatikdan niini ang usa ka kadudahang Hyundai Accent nga sakyanan busa gi-plug down niini apan sa dihang niduol si SPO1 Maceren kalit kining gipabuthan sa suspect nga nailang si Abdulrahim Adilao nga taga Pampanga gamit ang M4 nga armas.

 

Naigo sa dughan si SPO1 Maceren, samtang nakapabuto pa si SPO2 Baltazar sa suspect busa nakaangkon kini sa igo sa iyang lawas.

 

Si SPO2 Baltazar usab nakaangkon sa igo sa iyang abaga.

 

Mga alas 5:30 kagahapon gideklarang patay si SPO1 Maceren samtang mga alas 8 usab sa gabie gideklarang patay ang suspect nga si Adilao.

 

Naa sa stable nga kahimtang usab si SPO2 Baltazar ug nasa kustodiya sa kapulisan ang nagpailang live in partner sa suspect.

 

Sa karon padayong gi-imbestigahan sa kapulisan ang nahitabong engkwentro.

 

Facebook Comments