Sapian, Capiz- Ginkumpirmar ni Police Senior Inspector Hancel Lumandas nga sa traffic section sang Sapian PNP na-asign si PO1 Ryan Villareal, ang pulis nga ginpatawag sa Regional Police Office-6. Ini matapos nga nakit-an si Villareal nga yara ang presensya sa isa ka bulangan.
Suno kay Lumandas, wala gid ini magkulang sa pagpahanumdom sa iya mga kapulisan nga ginadumilian ang pagpadulong sa mga gambling areas.
Ginpunto man sini nga indi niya kontrolado ang paino-ino sang mga PNP personnel sini gani nga libre sila nga mag-obra sang ila nga gusto apisar nga ini ang bawal sa direktiba sang PNP.
Base sa inisyal nga impormasyon, sa isa ka bulangan sa siyudad sang iloilo nasiplatan ang nasambitan nga PNP personnel rason nga ini ang gilayon nga ginpatawag ni PRO-6 director Chief Supt. John Bulalacao. Kaupod ni Villareal nga ginpatawag amo sanday SPO1 Jose Roy Sandoval sang Negros Occidental Police Provincial Office; PO3 Nilo Gallaron nga na assign sa Regional Headquarters Support Group kag PO1 Wilmar Sumpio nga assign sa Iloilo City Police Station 3.
Posible nga magapangatubang ang mga ini sang kaso kriminal kag administratibo pananglitan nga mapamatud-an nga nakasala ang mga ini.
Sa madumdoman nga nangin hugot ang ginbuy-an nga paandam ni PRO-6 director Chief Supt. John Bulalacao nga ginadumilian ang mga pulis nga magsulod sa mga bulangan, naka-duty man ang mga ini ukon wala.
**(photo:Radyoman Marjorie Hervo/RMN-Iloilo)**
*tags:Visayas,Roxas,DYVR,DYVR657,Capiz,*Sapian PNP,PO1 Ryan Villareal,PRO-6 director Chief Supt. John Bulalacao
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
