Compostela Valley- Gidagit sa gituhoang mga sakop sa NPA ang usa ka pulis kagahapon sa hapon atol sa ilang gibuhat nga checkpoint sa Compostela, Comval province.
Sumala sa report tulo ka mga armadong lalaki nga sakop sa Guerilla Front 25, Southern Mindanao Regional Command ang midagit kang PO1 Alfredo Pasabeca Jr.atol sa ilang gimontar nga checkpoint sa Highway Km.26 Barangay Panansalan, Compostela alas 4:30 kagahapon sa hapon.
Si Pasabeca naasign sa Aliwagwag PNP. Una niini, giharang usab sa mga armado ang usa ka Malen Bus una pa gidala sa mga rebelde si Pasabeca. Si PO1 Pasabeca, anak ni Barangay Kagawad Alfredo Pasabeca Sr. sa Barangay Taytayan, Cateel Davao Oriental.
Tungod niini, naglusad na karon og rescue operation ang kapolisan ug militar sa kabukiran nga bahin sa maong lugar.
Kasamang Bernard Pantallon
