Sumala sa inisyal nga imbestigasyon, hubog ang suspetsado dihang miuli uban sa iyang anak. Naglalis kini ug ang biktima hangtod nga gikuha niini ang iyang armas ug gipusil ang live-in partner nga diha-diha dayong namatay. Ang inahan sa biktima nga anaa sa lugar, naigo usab ug pusil ug gidala sa Davao del Sur Provincial Hospital.
Dali sab nga miresponde ang kapulisan sa Digos City Police Station ug nadakpan dayon ang suspetsado samtang misulay kini og dagan.
Narekober sa crime scene ang napulo ka basiyo sa bala ug pito ka deformed nga bala nga ipailalom pa sa ballistic examination.
Padayon pa ang imbestigasyon aron masuta ang hinungdan sa krimen samtang giandam na usab sa kapulisan ang mga dokumento alang sa inquest proceedings batok sa suspetsado.
Gani, gisuwayan sab sa DXDC News Team nga makuha ang bahin sa suspetsado apan nagdumili una kini nga maghatag sa iyang salaysay.
RadyoMaN Kareen Beltran
