Lanao del Sur – Gipailawom na sa imbestigasyon ang ‘lead’ nga nakuha sa kapulisan aron pag-ila sa tag-iya sa mga tanom nga marijuana nga nadiskubrehan sa lungsod sa Buadipuso Buntong, Lanao del Sur, niadtong Domingo, Marso 31.
Nadiskubrehan kini sa mga utoridad pinaagi sa sumbong sa mga concerned citizens nga adunay gidudahang marijuana plants sa usa ka lasang nga bahin sa Barangay Lumbatan-Manacab sa nasangpit nga lungsod.
Tulo ka sako ang maong mga tanom nga moabot sa 30 ka kilo.
Matud pa ni Police Captain Jemar Delos Santos, information officer sa Police Regional Office-Bangsamoro Autonomous Region in Muslim Mindanao (PRO-BARMM), na-ibot ug nasulod na sa mga sako ang mga tanom dihang miabot ang mga pulis, timailhan nga gi-harvest na kini aron i-proseso.
Posible, matud pa, nga ang tag-iya maoy nang-harvest apan wala na kini nasapnan.
Miingon Police Brigadier General Graciano Mijares, regional Director sa PRO-BARMM, ang mga nakumpiskang marijuana plants gidala sa Buadipuso Buntoing Municipal Police Station alang sa tukmang proseso ug imbestigasyon.
