General Santos City – Sikop sa gipahigayong buy-bust operation sa operatiba sa Police Station 7 ang usa ka suspetsadong giilang si Jikki Gaya, 32, temporaryong nagpuyo sa Purok MC Vill., Barangay Fatima, Gensan nga gipahigayon sa Fil Am avenue, Purok 11A, Barangay Fatima, General Santos City, alas 9:00 sa buntag kagahapong adlawa.
Nasayran nga dihang gipahigayon ang operasyon, nakamatikod ang suspek nga police ang iyang nakatransaksyon maong nibunlot kini ug pusil dayon gipusil ang Police nga si Police Corporal Ryan Valencia.
Narekober gikan sa posisyon sa suspek ang 15 ka gramo sa gituohang shabu nga gibana-banaang P100,000; 1 ka ubit sa Magnum 357 revolver ug mga bala.
Kasong kalapasan sa Republic Act 9165 o Comprehensive Dangerous Drugs Act of 2002 ug Republic Act 10591 o Comprehensive Law on Firearms and Ammunition ang atubangon sa suspetsado.
