Davao City – Daling giposasan usa ka pulis atol sa gihimong Manhunt Operation sa Digos City kaganihang 10:48 sa buntag sa may Jose Abad Santos, Zone 3, Digos City.
Armado og warrant of arrest nga inisyu ni Presiding Judge Davin sa Branch 19 ang kapulisan atol sa ilang pagsulong sa gikahimutangan ni PO1 AL S Camporedondo, 36 anyos.
Sa spot report sa PRO XI ang dinakpang pulis kasamtangang nadestino sa Sulop Municipal Police Station.
Gipasakaan sa iyang asawa ang pulis og kasong RA 9262 kun Violence Against Women and their children (VAWC) ubos sa Sec. 5.
Nipyansa karong adlawa og P24,000.00 ang suspek alang sa iyang temporaryong kagawasan.
RadyoMaN Aimee Guinita
Facebook Comments
