Sumala ni Police Major Catherine Dela Rey, Police Regional Office 11 Spokesperson, nahitabo ang duha ka mga insidente sa illegal discharged of firearms sa dakbayan sa Davao.
Gibutyag ni Dela Rey nga nadakpan ang usa ka Police Corporal (PCPL) sa pagpabuto sa iyahang baril tungod kay naglalis kini sa iyahang live-in partner.
Samtang, nadakpan usab ang usa ka military personnel nga adunay ranggong Private First Class (PFC) nga alegasyong nibuto ang armas atol sa paginilugay atol sa lalis sa silingan.
Gitataw ni Dela Rey walay casualties sa mga nahitabong indiscriminate firing.
Sa pikas bahin, gikumpirma ni Police Major Jonel Pederio, Buhangin Police Station Commander nga nahitabo ang duha ka insidente sa Buhangin nga dali nilang giaksyunan.
Nakapyansa na ang pulis nga sakop sa Tourist Police Unit ug naghulat pa karon sa headquarters sa mahimong disposition niini.
Dugang ni Pederio, nga nakumpiska na ang mga armas sa mga nadakpang mga security personnel.
RadyoMaN Aimee Guinita
